♀. Brunneo-niger, nitidus ; plaga basalis prothoracis, scutellum elytraque (humeri excepti) tomento brunneo-olivaceo obtecta. Prothorax lateraliter margine angusta et ab angulis anticis linea obliqua, scutellum lateraliter vitta lata, elytra omnino maculis et atomis (quae maculae ad margines majores) aureis ornata. Caput scabrose reticulato-punctatum; clypeus in medio reflexus et nonnihil truncatus, lateraliter gradatim rotundatus. Prothorax antice in tuberculum validum productus, lateribus fere in medio angulariter dilatatis, lobo postico ante scutellum truncato; postice sat convexus, antice multo reflexus et in medio late sed haud profunde excavatus, in depressions et ad margines laterales fortiter strigoso-punctatus, supra et ad basin punctis grossis sparsim instructus. Scutellum elongato-triangulare, apice obtuso. Elytra gradatim angustata, ad apicem rotundato-truncata, minutissime punctata , costis suturalibus ab medio sat elevatis. Pygidium dense subtiliterque rugosum, rufo-pilosum. Subtus, latera sternorum abdominisque et segmenta duo ultima tota dense strigosopunctata, rufo-pilosa. Processus mesosternalis obtuse productus. Femora tibiaeque fortiter punctatae; tibiae anticae extus in dentes duos validos acutos productae, tibiae intermediae et posticae intus longe denseque nigro-pilosae. Long. 50 mm., lat. 25 mm.